நாட்டுப் பண்ணையில் சிக்கிய காகிதப் பூக்கள்.

 

 

 

நால்வகைப் பூக்களை நட்டு வைத்து வளர்க்கும்

நாட்டுப் பண்ணை இன்று நர்சரி பள்ளியானது...

 

பால் குடி மறவா எம் பச்சிளம் குழந்தைகள்

புத்தக பொதி சுமந்த பூக்களாயின ..

 

முன்னேரத்திலேயே முழுதாய் தூக்கம் கலையாமல்

மூன்று சக்கர வண்டியில் மூட்டைகளாய்

அடைக்கப்பட்டு ..

 

பின்னேரத்தில் எம் பிஞ்சு பூக்கள்

பிடி விடுபட்ட பட்டாம் பூச்சிகளாய் 

வீடு வந்துச் சேரும் போதும்

வாடுவதே இல்லை..

 

ஆம்!!காகிதப் பூக்கள் எங்ஙனம் வாடும்???